تعرف فلوس بلدنا مصر رايحة فين وجاية منين؟

تعرف فلوس بلدنا؟

رايحة فين و جاية منين؟

لحد يومين تلاتة ما كنتش أعرف زيك لحد ما وقعت على الجدول ده

البيان	مشروع موازنة السنة المالية 2008\2009 بالمليون جنية
البيان	البيان	إجمالي
المصروفات:	الأجور وتعويضات العاملين	78600
	شراء السلع والخدمات	23500
	الفوائد	53000
	الدعم	133500
	مصروفات أخري	25700
	شراء الأصول غير المالية	26500
الإجمالي	(ثلاثمائة وأربعين مليار) 340000

الإيرادات:	الضرائب	166500
	المنح	4500
	الإيرادات الأخرى	104600
الإجمالي	(مائتين وثمانية وسيعون مليار) 278000
العجز	62 مليار جنية

المصدر (وزارة المالية – جمهورية مصر العربية)

http://www.mof.gov.eg/Arabic/عناوين+رئيسيه/fiscalstatementa08-09.htm

http://www.mof.gov.eg/Arabic/Mwazna2008-2009/fiscalstatement7-08.pdf

وواحد ابن حلال من بتوع مجلس الشعب شرحه لي وقال لي ...

ميزانية الدولة دي زي ميزانية البيت .. يعني لو أنت مرتبك 1000 جنية و مصاريفك 1200 يتقال إن ميزانية البيت 1200 وفيها عجز 200 جنيه....

وميزانية بلدنا زي بيوتنا مليانة عجز...

1.... الأجور والمرتبات ودي 80 مليار جنية.........

الرقم الرهيب ده طبعاً مش علشان الغلابة بتوع الحكومة يبقي متوسط دخلهم السنوي 14000 جنية وراتبهم الشهري يبقي 1100 جنية..... باعتبار إن عددهم حوالي 5.5 مليون موظف....لا طبعاً....

ده علشان يبقي تفاوت المرتبات في بلدنا يضرب الرقم القياسي و يعدي 2000 ضعف بخلاف كل دول العالم اللي يتراوح من 15 إلي 20 ضعف....

يعني موظف زي رئيس جامعة عين شمس متوسط دخله في الشهر350 ألف جنيه وموظف تاني في نفس الجامعة يبقي مرتبه 350 جنية.....

(الحفاظ على قفاك مسئوليتك الشخصية)

2... البند الخاص بالسلع والخدمات وده 23.5 مليار ....

وهو خاص بشراء اللي تحتاجه الهيئات لأداء وظيفتها يعني طباشير للمدارس وشاش للمستشفيات وعصيان وأسلاك كهرباء لأقسام الشرطة والأمن مركزي....

3.... الفوائد ودي 53 مليار جنية .......

ودي عبارة عن فوائد الدين العام اللي وصل لأكتر من 1000 مليار جنية.. الدين المحلي منه وصل لـ 675 مليار جنية...

http://www.youm7.com/News.asp?NewsID=89746

ده معناه إن العصر المبارك اللي إحنا عايشينه من سنة 1981- اللي دينا كان فيها 11 مليار - إلي الآن.... دين بلدنا أتضاعف أكثر من 80 مرة........

ودي الذكري الهباب اللي ناوي يسبها لنا الريس لحد ما بعد ما يروح في داهية بـ100 سنه ...

وساعتها هنكون لسه شادين الحزام ونحاول نسد الدين بتاعه...

4.... الدعم وده 133.5 مليار جنية ........

وهنا بقى الكدبة الكبيرة.. أنا كنت فاكر زيك إن المبلغ رايح لينا وللفقرا ومعدومي الدخل، علشان يبقي نصيب كل واحد منا سنويا حوالي 1700 جنية – ده باعتبار الشعب كله هياخد دعم - يعني لو أسرة ست أفراد المفروض يدخل بيتها 850 شهري من الدعم.............. عارف طبعا دا ما بيحصلش لييييييييييييييييييييه

عشان دعم المحروسة أو قول المنهوبة بيروح نصفه يعني حوالي 62 مليار جنية دعم للمنتجات البترولية... هنقول خير علشان نركب مواصلات رخيصة وندفع كهربا رخيصة...

بس قطاع السياحة بس بيستهلك 37% منه في المراكب الفاخرة على النيل وشواطئ الغردقة وشرم الشيخ...

وحد يقولي ليه ندعم البترول ونبيعه ببلاش لإسرائيل؟؟

وليه شافييز يغير اتفاقيات بيع الغاز لأصدقائه و منغيرهاش إحنا لأعدائنا؟؟

حد يقولي ليه ندعم الطاقة لشركات الأسمنت اللي 95% منها أجنبي؟؟

او ليه ندعم كل طن اسمنت بـ35 جنية ... وكل طن حديد بـ65 جنية وكل طن سماد بـ165 جنية؟؟

ولا ليه الحكومة تستمر في دعم الأغنياء بواقع جنيهين لكل لتر بنزين 95؟؟

أو حد يقول لي ليه ندعم البنزين لسيارات الهيئة الدبلوماسية؟؟

هو ليه دم الأغنياء خفيف علي قلوبهم أما دماء الفقراء فثقيلة كثقل الفقر ؟؟

حد يقول لي ليه ندعم 4 ملايين متر مربع في هضبة المقطم ونبيعها بسعر 90 جنيهًا للمتر لشركة أجنبية يضيع 28 مليار جنيه من مال بلدنا؟؟

حد يقول لي ليه ندعم ارض مدينتي (8 ألاف فدان) ونديها هدية لطلعت مصطفي مقابل 7% من مشروع مدينتي و الأرض يضيع اكتر من 100 مليار جنيه من مال بلدنا؟؟

حد يقول لي ليه ندعم الصادرات بـ 4.4 مليار والمستفيدين هم رجال الأعمال العاملون في مجال التصدير؟؟

ودعم السلع التموينية فقد بلغ نحو 9.4 مليار جنيه، وبلغ دعم السلع الأخرى وبالأساس رغيف الخبز نحو 4.4 مليار جنيه (راجع البنك المركزي المصري، النشرة الإحصائية الشهرية، أكتوبر 2007، صـ 107). أي أن دعم السلع التموينية والخبز وهو نصيب الفقراء من الدعم لم تتجاوز قيمته نحو 13.8 مليار جنيه أي ما يعادل 1.9% من الناتج المحلى الإجمالي المصري فى العام المالي 2006/2007 بينما الولايات المتحدة تدعم بنحو 61% من إجمالي الإنفاق العام للحكومة المركزية بما يوازى 12.9% من الناتج المحلى الإجمالي الأمريكي وفقا لبيانات البنك الدولي، وشكلت نحو 53% من الإنفاق العام الفرنسي بما يوازى نحو 24.4% من الناتج المحلى الإجمالي الفرنسي، ونحو 54% من الإنفاق العام البريطاني أي ما يوازى نحو 22.2% من الناتج المحلى الإجمالي البريطاني، ونحو 34% من الإنفاق العام التونسي بما يمثل نحو 10% من الناتج المحلى الإجمالي التونسي، وحوالي 24% من الإنفاق العام المغربي أي ما يوازى نحو 7.5% من الناتج المحلى الإجمالي المغربي. أما في مصر ووفقاً لبيانات البنك الدولي فإن الإنفاق العام على الدعم والتحويلات شكل نحو 18% من إجمالي الإنفاق العام، أو ما يوازى نحو 4.1% من الناتج المحلى الإجمالي (راجع في ذلك: World bank,World Development Indicators 2007, p. 226-232.).

معقولة نصدق بلدنا لما تقولنا إن الدعم للفقراء و محدودي الدخل؟؟

معقولة نصدق بلدنا لما تقول أن دعم استثمار الأغنياء يفتح المجال للقضاء علي بطالة الفقراء؟؟

نيجي بقى لشراء الأصول غير المالية بمبلغ 26500 مليار ودا مخصص لبناء المستشفيات وإسكان الشباب والأبنية التعليمية والطرق والكباري والصيانة وغيره

والمبلغ طبعا تافه جدا لذلك لو سمعت عن بناء 6000 مدرسة ومليون وحدة سكنية و2000 مستشفى وغيره اعمل ودن من طين و ودن من عجين لان ده نصب واحتيال رسمي علشان منين يا حسرة

وهو ده الاستثمار الحقيقي اللي إحنا نحس بيه.. نشوف شوارع نظيفة ومدارس متطورة وكباري وأنفاق وحدائق غناء ... ولا إحنا أولاد ... ؟؟؟

أدي المصاريف يا سيدي ... بلد منهوبة ... طب الفلوس دي جاية منين ..

بص بقي يا سيدي هتلاقي المفاجأة ..... إن بلدنا مسروقة رايح جاي....

الأغنياء و الحكومة ... منشار طالع واكل نازل واكل .. ومن قوت الفقرا......

تعالي للضرائب مثلا ....

الضرائب على الدخول من التوظف الحكومي 15% .........................................من جيوب الغلابة

ضرائب على السلع والخدمات 35%...................................................معظمها من جيوب الغلابة

ضرائب النشاط التجاري والصناعي 5% .... قانون الضرائب الجديد بيلعب هنا ...ماتضحكوش علينا وتقلولنا أتضاعفت ... مهما أتضاعفت..............

ضرائب على أرباح شركات الأموال باستثناء هيئة البترول وقناة السويس 12%

وضرائب على التجارة الدولية (الجمارك) 9% ........... من الأغنياء بس ترجع لهم تاني من دعم الصادرات...
وضرائب أخري الباقي ودي داخل فيها هيئة البترول وقناة السويس... وهي السبب في زيادة الحصيلة الإجمالية للضرائب والي يرجع إلى ارتفاع أسعار البترول وزيادة دخل قناة السويس الأمر الذي لا فضل ولا جهد يذكر للحكومة فيه.....

نقلا عن جريدة الدستور بتاريخ 29/1/2008

هتلاقي الضرائب التي يدفعها الموظفون والمواطنين البسطاء على دخولهم تكاد تبلغ ضعف ما يتم تحصيله من ضرائب على النشاط التجاري والصناعي في مصر كلها،

هتلاقي الضرائب التي يدفعها الموظفون والمواطنين البسطاء تمثل حوالي 50% من الضرائب التي تدفعها جميع الشركات المساهمة والتي تضم شركات الأسمنت والحديد والأسمدة وغيرها من الشركات الكبرى في مصر كلها باستثناء هيئة البترول وقناة السويس.

هتلاقي حصيلة الضرائب حاجة تفرح ... بس تكون جاية من جيوب الأغنياء .. إنما لما تكون من جيوب الغلابة بتوع الحكومة ... يعني الحكومة بتديهم باليمين وتاخد منهم بالشمال...

ودي الضرائب يا سيدي....

أما المنح فدي لو بلدي أنا مش عايز منح لان (الحداية ما بتحدفشي كتاكيت) ... دي فلوس من قِبل جهات أجنبية للضغط على الحكومة لتنفيذ أجندة معينة... منها تعديلات قانون الطفل... إضافة إلى بيع بنك القاهرة ..وبيع الغاز للكيان الصهيوني... والإسراع في برنامج الخصخصة....

لا ينام حكام بلدنا من التفكير في طحن المصريين

99.99% بيقولوا .....نعم....

علشان.... انجازاتك .....

مصر الأولى في العالم في استيراد القمح.

مصر الأولى في الديون الخارجية بين الدول العربية.

مصر أولى العرب في استيراد المواد الغذائية.

مصر رقم 47 في الفقر على مستوى العالم لا يوجد بعدنا إلا 46 دولة من قرابة 186 دولة.

ميزانية الداخلية اكبر من الصحة والتعليم مجتمعين.

48% من المصريين تحت خط الفقر، من بينهم 7.5 مليون مصري يعيشون بأقل من جنيه واحد يوميا.

· أعلى معدل فشل كلوي في العالم 17 في الألف - 12 مليون إصابة فشل كلوي في العالم + التهاب الكبد الوبائي ( منظمة الصحة العالمية).

نصيب قرى مصر من الخدمات الصحية 50 مليون جنيه!! المستوى الصحي- ترتيب مصر 116 من 189 دولة، (منظمة الصحة العالمية)