وجّه الرئيس محمد مرسي كلمة لأهالي محافظة بورسعيد، قال فيها: «مطالبكم وحقوقكم والعمل والميناء حقكم جميعًا في عيني وقلبي زي باقي المصريين وأنا ماشي معاكم لغاية الآخر».
وأضاف في كلمة، بثها التليفزيون المصري، مساء الخميس، «إحنا متأثرين بالأحداث وإن شاء الله نوصل لبر الأمان ونتعاون ونطلع أي حد يخلي الخلاف أو الصورة كأنها مش جزء واحد».
وقال الرئيس مرسي: «مطالبكم وولادكم وحقوقكم والعمل والميناء، حقكم جميعا في عنيا وقلبي زي باقي المصريين، وأنا ماشي معاكم لغاية الآخر»، مضيفًا: «دلوقتي في تحقيقات، ولما نتيجة التحقيق تخلص كل حقوق الشهداء مكفولة، واللي اتسبب في قتل الناس وحرق أي ملكية للدولة بيتحاسب والقانون ياخد مجراه، لكن أهل بورسعيد لهم حقوق عليا»
وأشار إلى مقابلته بعدد من أهالي بورسعيد، الخميس، قائلا إنهم «عُزاز علينا كلنا»، حسب تعبيره، كما قال: «إحنا متأثرين بالأحداث وإن شاء الله نوصل لبر الأمان، ونتعاون ونطلع أي حد يخلي الخلاف أو الصورة كأن مش جزء واحد، إحنا حتة واحدة».
وتحدث الرئيس مرسي عن أحداث 26 يناير الماضي، قائلا: «أبناؤنا وإخواتنا راحوا في الأحداث، ويعز علينا نشوف نقطة دم واحدة تنزل من جسم أي واحد من ولادنا، والمجموعة اللي شوفتها النهارده تعبر عن أهل بورسعيد، وإحنا واحد أهل شعب جيش شرطة بورسعيد القناة.. كلنا مصريين، والنهاردة أقول لكم أنا عايش معاكم ساعة بساعة».وأشاد الرئيس مرسي بتاريخ بورسعيد النضالي، لافتًا إلى أنها وقفت تدافع عن مصر في حرب 1967، كما ساهم شبابها في دعم الجيش وقت حرب أكتوبر 1973.
وقال الرئيس مرسي: «أنتم فاكرين لما اتلغى قانون المنطقة الحرة كنت عضو في مجلس الشعب وقلت لا، ولما حصل اللي حصل قررت، وبعد انتخابات الرئاسة قررت أرجع المنطقة الحرة، وعارف إن فيه تهريب وحاجات تقلل من العائد، وكلكم بتشتغلوا تجار وأهل بورسعيد والستات والولاد والبنات، كلهم كسيبة».
ودعا الرئيس مرسي أهالي بورسعيد للعمل والإنتاج، مضيفًا: «عايزين نكسب نشتغل ننتج»، كما اختتم بقوله: «كلنا يد واحدة وجسد واحد، وأنا النهارده بحييكم، وبتواصل معاكم وأشوفكم في أقرب فرصة وأنتم في أحسن حال، وأحييكم من قلبي».
ليست هناك تعليقات:
إرسال تعليق