CNN - رغم تصدر فيلم "قلب الأسد"، للممثل المصري محمد رمضان، قائمة الأفلام الأعلى إيرادا في العيد، تزايدت المطالب عبر تويتر بمحاكمة مخرجه، كريم السبكي.
ولعل السبب المشترك بين جميع من شاركوا في هاش تاج #حاكموا_السبكي، هو المستوى الهابط للفيلم، بحسب مراقبين، وضعف المحتوى والأداء التمثيلي، ما دفع الكثيرين إلى التساؤل: ما الذي يجعل هذا الفيلم يتربع على عرش أفلام العيد؟ ولماذا علينا محاكمة كريم السبكي؟
الإجابة تلخصت في التغريدات التالية:
abn_semsem@: نعيب على السبكي والعيب فينا ... يعني هو كان هيكسب ازاي إلا بينا.
marw2aa@: الفكرة مش في السبكي لكن في ثقافة الشعب اللي عايز الأفلام دي وبيدخلها.
sherwet_ismael@: اللي بسببه بقالي فترة طويلة مش قادرة ادخل السينما اتفرجلي على فيلم محترم .. لأنه في مواسم زي كدة بيحتكر دور العرض بأفلامه.
ro2a_shahen@: لان ده واحد جشع كل همو الفلوس ويبيع سلعه رخيصة.
R_Nabeil@: لما تلاقي نص شباب مصر قدام السينمات عشان يتفرجو على افلام كلها سفالة ... يبقى مش عايزين ثورة شعب .. احنا عاوزين ثورة اخلاق.
sherio28@: يفرق ايه عن اللي بيخون البلد !! او اللي بيتاجر في المخدرات !!! بيشوه وعي أجيال ويفسد عقول.
SalmaZz45@: عايزين افلام تكون ليها معنى مش بتعلم شبابنا الشتايم والتحرش والمعاكسة.
Rona_Hisham@: هو السبب في الأزمة الأخلاقية اللي موجودة في مصر لو كنا في بلد متقدمة كان هيتسجن على الأقل 10 سنين.
shaimaa_hosny19@: يكفي ترويجه للتحرش الجنسي والانحطاط اللفظي في أفلامه بشكل يظهر كأنه شيء عادي ومقبول، رغم انه لابد من توعية الشباب الصغير بالعكس.
ليست هناك تعليقات:
إرسال تعليق