( المفتش كرومبو )
لصوص لكن ظرفاء
" كرومبو" .... مفتش المباحث
و " حامد مفيش فكة " ... بتاع كشك الحلويات .
و " فكري المركز " .... اللي آخر توهان .
و " تملي غتيت " .... أبو شعر مقلم و عيون نص مقفولة.
و" حقنه التمرجي "....... المتهم بسرقة كلية واحد مريض .
و " الدكتورة نسرين أنتيبيوتك " ..... اللي أنكرت علاقتها بالكلية و تساءلت بصوت أخنف:
" أنا أبص لحتة كلية ب 100 ألف جنيه " ثم أكملت :
" علي فكرة أنت عيونك حلوة قوي يا كرومبو .... تبيع ؟ "
و غيرهم و غيرهم
كلهم دمهم خفيف .. و أيضا حراميه .
و لو عندك " رسيفر " و في يوم أجازة حتكتشف عشرات القنوات عايشه علي نظام
"نصب ع الهوا "
مرة شاب
و مرة بنت
و مرة واحد لا هو شاب و لا هو بنت .
و كل المطلوب أن يكون جسمه في حالة ذبذبة و لك 1000 دولار لو إجابتك صح ... فقط أتصل علي زيرو تسعميه تسع تسعات و قل لنا :
* اسم دوله عربيه من 3 حروف علي وزن (مطر) .
* فاكهه لذيذه أولها (ت) و آخرها (ح).
و هكذا و هكذا
لكن فضائية وسط الزحمةحاولت أن تضفي علي نفسها جو الاحترام و التدين فقدمت سؤال بيقول :
" ذكر في القرآن الكريم اسم حيوان سبب أزمة صحية عالمية ... المكسيك كانت ضحيته و مصر قوام دبحته "........... يبقي مين ؟؟
و البسطاء كثيرون ... و إعدادي و ثانوي كله شايل محمول .ملايين الصغار تتصل و ملايين الدولارات تصب في جيوب اللصوص وبالقانون .. و هذه واحده من الثغرات بين التشريع السماوي و التشريع " الوضعي " عندما يصبح المشرع مع نفسه معزولا عن الهدايات الربانية.
فصحيح لا يملك أحد أن يتهم هذه القنوات بمخالفة القانون لكن أيضا لا يملك أي صاحب عقل ودين أن يصنف هذه المسابقات خارج دائرة القمار .
فهل عرفت سر المفتش " كرومبو" ؟
لو عرفت السر .... اتصل بنا علي 0900999999999
ليست هناك تعليقات:
إرسال تعليق