تابع موضوع احمد موسى

أكمل المقال

جماعة المنافقين في الدولة والمروجين الاعلاميين لامن الدولة في مصر واللي بيفضلوا يتنططوا على الناس مش عارفين يعملوا حاجة سوى انهم يهاجموا معارضي الحكومة الفسدانة اللي بتحكم مصر فاحمد موسى الصحفي اللامع البارق والخبير الامني الجامد قال انهاردة بوقين في جريدة النفاق الاهرام المصرية قال ايه :: زعلان ان الاستاذ المرشد محمد مهدي عاكف راح اتغدى ومعاه بعض الاخوان في اسكندرية ب2656 جنيه بعد خصم 278جنيه ويومها تغدى الاستاذ المرشد مع الاخوان مأكولات بحرية ب2656جنيه ومهما كان هذا المبلغ فالاستاذ المرشد قد اكل مع الاخوان وقال المهندس احمد موسى :: ان في واحد من الشباب الناقمين على على الجماعة اتصل بيه وقال له : ان المرشد ياقش الازمات واحنا في الجماعة نشكو وقبل ايام طالبوا بوقف صرف رواتب للمحتاجين بسبب الغلاء ويذهب هو ليأكل بهذا المبلغ وكله على حساب مكتب الارشاد ردي على الراجل ده هيبقى في عدة نقاط : 1- مين اللي قالك يا استاذ احمد ان اكل الاستاذ المرشد بيبقى على حساب مكتب الارشاد ؟ 2-نسيت يا استاذ احمد لما الاخوان كانوا بيعزموك انت واللي زيك على مائدة الافطار السنوي للاخوان ؟ 3-ما زعلتش ليه يا استاذ احمد على المبلغ اللي قدمه الاستاذ احمد عز مهر لزواجه من احد عضوات مجلس الشعب وهذا المبلغ قدر بالمليارات مش ب2656جنيه؟؟ مع العلم ان في شباب من الحزب الوطني مش لاقيين اللضى 4-مش زعلان يا استاذ احمد ان في ملايين بتاكلها الحكومة كل سنة من فلوس الشعب ؟ انا مش عارف احمد به موسى زعلان عشان الاستاذ المرشد راح يتغدى هو ومجموعة من الاخوان {وما قولناش انه لوحده} ب2656جنيه واعتقد ان عزومة هتتكلف فعلا في الحدود دي ايه المشكلة يعني ما تعرفش وكما قلت من قبل ان هؤلاء المارقين هدفهم تشويه سمعة الجماعة وليس الدفاع عن حقوق احد كما يدعون وقديما قالوا يا استاذ احمد : اللي بيته من ازاز ما يحدفش الناس بالطوب دمتم سالمين
كتبها البراء في 06:24 مساءً ::